1967 లో విడుదలైన భక్త ప్రహ్లాద చిత్రం పిల్లలు మెచ్చే భక్తి రస ప్రధాన చిత్రం. ఇందులో ప్రహ్లాదునిగా అలనాటి బాలనటి రోజారమణి నటన అపూర్వం. ప్రహ్లాదుని తండ్రి హిరణ్యకశిపునిగా ఎస్.వి.రంగారావు, తల్లి లీలావతిగా అంజలీదేవి, నారదునిగా మంగళంపల్లి బాల మురళీ కృష్ణ, ప్రహ్లాదుని గురువులుగా శ్రీ రేలంగి, పద్మనాభం గార్లు నటించారు. ఈ చిత్రంలోని పద్యాలన్నీ బమ్మెఱ పోతనామాత్యులు రచించిన శ్రీ మదాంధ్ర భాగవతం నందలి ప్రహ్లాద చరిత్ర లోనివి. వీనిని గానం చేసినది శ్రీమతి పి.సుశీల గారు. సంగీతం శ్రీ సాలూరు రాజేశ్వర రావు గారు.
పద్యం:
కరుణ లేని మనసు కఠిన పాషాణంబు
జాలి గలుగు వాడె సజ్జనుండు
సాధు జంతువులను బాధింప వలదయ్యా
ప్రాణి హింస ఘోర పాపమయ్యా!..ఆ..ఆ..
పద్యం:
చదివించిరి నను గురువులు
చదివితి ధర్మార్ధ ముఖ్య శాస్త్రంబులు నే
చదివినవి గలవు పెక్కులు
చదువులలో మర్మమెల్ల చదివితి తండ్రీ!
పద్యం:
తెల్ల శరీరధారులకు ఇల్లను చీకటి నూతి లోపలన్
ద్రెల్లక వీరునేమను మతి భ్రమణంబున ఖిన్నులై ప్రవ
ర్తిల్లక సర్వమున్ అతని దివ్య కళామయమంచు విష్ణునం
దుల్లము జేర్చి తారడవి నుండుట మేలు నిశాచరాగ్రణీ..
పద్యం:
కంజాక్షునకు గాని కాయంబు కాయమే? పవన గుంభిత చర్మ భస్త్రి గాక
వైకుంఠు పొగడని వక్త్రంబు వక్త్రమే? ఢమఢమ ధ్వనితోడి ఢక్క గాక
హరి పూజనము లేని హస్తంబు హస్తమే? తరుశాఖ నిర్మిత దర్వి గాక..
కమలేశు జూడని కన్నులు కన్నులే? తను కుడ్య జాల రంధ్రములు గాక
ఆనాడూ, ఈనాడూ పిల్లలకు అమితంగా నచ్చిన చిత్రం ఒకప్పుడు బాలనటి రోజారమణి ప్రహ్లాదుడుగా నటించిన భక్త ప్రహ్లాద (1967) చిత్రం. హిరణ్య కశిపునిగా ఎస్.వి.ఆర్. అతని భార్య లీలావతిగా అంజలీదేవి, నారదునిగా శ్రీ బాలమురళీకృష్ణ నటించిన ఈ చిత్రంలో ఎన్నో మంచి పాటలున్నాయి. అందులో శ్రీమతి పి.సుశీల, బృందం పాడిన "నారాయణ మంత్రం" పాట నాకెంతో యిష్టం. ఈ దృశ్యంలో ప్రహ్లాదుని గురువులుగా రేలంగి, పద్మనాభం నటించారు. ఈ పాట దృశ్య, సాహిత్యాలను ఇక్కడ ఇస్తున్నాను.
చిత్రం: భక్త ప్రహ్లాద (1967)
సంగీతం: సాలూరి రాజేశ్వరరావు
గానం: పి.సుశీల, బృందం రచన: సముద్రాల జూనియర్
సాకీ: ఓం నమో నారాయణాయ....ఓం నమో నారాయణాయ
ఓం నమో నారాయణాయ....ఓం నమో నారాయణాయ
ఓం నమో నారాయణాయ....ఓం నమో నారాయణాయ
ప: నారాయణ మంత్రం శ్రీ మన్నారాయణ భజనం (2)
భవ బంధాలు పారద్రోలి పరము నొసంగే సాధనం
నారాయణ మంత్రం శ్రీ మన్నారాయణ భజనం (2)
చ: గాలిని బంధించి హఠించి గాసిల పనిలేదు (2)
జీవుల హింసించి క్రతువుల చేయగ పని లేదు (2)
మాధవా మధుసూదనా అని మనసున తలచిన చాలుగా (2)
నారాయణ మంత్రం శ్రీ మన్నారాయణ భజనం (2)
