అలనాటి అందమైన తెలుగు పాట "చెంగు చెంగునా గంతులు వేయండి". ఈ పాట నమ్మినబంటు (1960) చిత్రంలోనిది. ఇందులో కొన ఊపిరి వున్న దూడను పారేయమని యజమాని (గుమ్మడి) తన పాలేరు (ఎస్.వి.ఆర్.) కు చెబుతాడు. అపుడు ఆ పాలేరు కూతురు (సావిత్రి) దానిని బతికించుకుంటానని మందు వేసి ప్రాణం నిలుపుతుంది. నోరులేని ఈ తువ్వాయిలు మన సంపదను పెంచే రత్నాలు, తెలుగు తల్లికి ముద్దు బిడ్డలని చక్కని పాటను కొసరాజు వ్రాయగా దానికి మాస్టర్ వేణు మరియు సాలూరు రాజేశ్వరరావు బాణీ కట్టారు. ఈ పాట పి.సుశీల గొంతులో వినండి.
Thanks to Kishor Vivian for loading the video in you tube.
పల్లవి: | చెంగు చెంగునా | ||
చెంగు చెంగునా గంతులు వేయండి | |||
ఓ జాతివన్నె బుజ్జాయిల్లారా, నోరులేని తువ్వాయిల్లారా | |||
చెంగు చెంగునా | |||
చెంగు చెంగునా గంతులు వేయండి | |||
చరణం: | రంగురంగుల ఓపరాలతో, రంకెలు వేసే రోజెపుడో | ||
చెక చెక మంటూ అంగలు వేసి, చేలను దున్నే అదనెపుడో | |||
కూలిపోయినా సంసారానికి, గోదాకింతా పెట్టే దెపుడో | | కూలిపోయినా| | ||
ఆశలన్ని మీమీద బెట్టుకొని తిరిగే మా వెతలణగే దెపుడో | | చెంగు చెంగునా | | ||
చరణం: | పంచభక్ష్య పరమాన్నం తెమ్మని బంతిని గూర్చుని అలగరుగా | ||
పట్టుపరుపులను వేయించండని పట్టుబట్టి వేధించరుగా | |||
గుప్పెడు గడ్డితో గుక్కెడు నీళ్ళతో తృప్తిచెంది తలలూగిస్తారూ | |||
జాలిలేని నరపశువుల కన్న మీరే మేలనిపిస్తారూ | | చెంగు చెంగునా | | ||
చరణం: | పగలనకుండా, రేయనకుండా పరోపకారం చేస్తారూ | ||
వెన్నుగాచి మీ యజమానులపై విశ్వాసం చూపిస్తారూ | |||
తెలుగుతల్లికి ముద్దుబిడ్డలు, సంపద పెంచే జాతిరత్నములు | |||
మా ఇలవేల్పులు మీరు లేనిదే మానవజాతికి బ్రతుకే లేదు | | చెంగు చెంగునా | |
కామెంట్లు లేవు:
కామెంట్ను పోస్ట్ చేయండి