ఇటుఅటు కాని హృదయంతోటి - ఇది కథ కాదు నుండి బాలు, రమోల పాడిన చక్కని పాట

	చిత్రం:	ఇది కథ కాదు
	గీతం:	ఆత్రేయ
	స్వరం:	యం.యస్. విశ్వనాథన్
	గానం:	బాలు, రమోల
పల్లవి:	బాలు:	జూనియర్.. జూనియర్.. జూనియర్...
	రమోల:	Yes Boss
	బాలు:	ఇటు అటు కాని హృదయంతోటి ఎందుకురా ఈ తొందర నీకు -2
		అటు ఇటు తానొక ఆటబొమ్మనీ తెలిసే ఎందుకు వలచేవు -2
		ఒడ్డున పెరిగే గడ్డిపోచవూ..
	రమోల:	గడ్డిపోచా? నేనా? హి హి హి హి..
	బాలు:	ఒడ్డున పెరిగే గడ్డిపోచవూ ఒద్దిక నదితో కోరేవు...
	రమోల:	ఒడ్డున పెరిగే గడ్డిపోచకు హృదయం ఎందుకు వుండకూడదు
		వుందని ఎందుకు ఒప్పుకోరాదు...
		రబ్బరు బొమ్మకు రాగం తెలుసు ఆటబొమ్మకు ఆశలు తెలుసు
		ఇద్దరు ఒక్కటి ఎందుకు కారాదు..
	బాలు:	జూనియర్ జూనియర్ జూనియర్
		ఇటు అటు కాని హృదయంతోటి ఎందుకురా ఈ తొందర నీకు...
చరణం:	బాలు:	సాగరమున్నా తీరనిదీ నీ దాహమురా..
		కోకిలగానం కాకి పాడితే ద్రోహమురా..
	రమోల:	నీ మొహమురా హి హి హి హి హి...
	బాలు:	సాగరమున్నా తీరనిది నీ దాహమురా..
		కోకిలగానం కాకి పాడితే ద్రోహమురా..
		తీగకు పందిరి కావలెగానీ తెలుసా నువ్వే పందిరని -2
	రమోల:	నీటిని చూసి దాహమువేస్తే తేనెకోసం తేటి వస్తే
		పాపం గీపం అనడం ఛాదస్తం
	బాలు:	No it's bad...
	రమోల:	But I am mad...
		మోడు కూడ చిగురించాలని మూగమనసు కోరే కోర్కెను
		మోసం ద్రోహం అనడం అన్యాయం
	బాలు:	హ హ హ హ
	రమోల:	what పక పక పిక పిక.. హూ...
	బాలు:	జూనియర్..
	రమోల:	ఊ...
	బాలు:	జూనియర్ జూనియర్ జూనియర్
		ఇటు అటు కాని హృదయంతోటి ఎందుకురా ఈ తొందర నీకు...
చరణం:	బాలు:	చైత్రములోన చినుకు పడాలని కోరేవు
		మార్గశిరాన మండుటెండకై చూసేవు
	రమోల:	Boss, Love has no season, not even reason
	బాలు:	Shut up
		చైత్రములోన చినుకు పడాలని కోరేవు
		మార్గశిరాన మండుటెండకై చూసేవు
		ఉదయంకోసం పడమర తిరిగి ఎదురుతెన్నులు కాచేవు -2
	రమోల:	ఎండా వాన కలిసొస్తాయి
		వెలుగు చీకటి కలిసుంటాయి
		జరగని వింతలు ఎన్నో జరిగాయి
	బాలు:	It is highly idiotic
	రమోల:	No boss, it is fully romantic
		హ హ హ హ
		పాట పాడెను ముద్దుల బొమ్మ
		పక పక నవ్వేవెందులకమ్మా
		మనసున వున్నది చెప్పీ నవ్వమ్మా
		మనసున వున్నది చెప్పీ నవ్వమ్మా
	బాలు:	ఇటు అటు కాని హృదయంతోటి ఎందుకురా ఈ తొందర నీకు