చీకటి వెలుగుల కౌగిలిలో - చీకటి వెలుగులు నుండి బాలు, సుశీల

	చిత్రం:	చీకటి వెలుగులు
	గీతరచన:	దేవులపల్లి కృష్ణశాస్త్రి
	సంగీతం:	చక్రవర్తి
	గానం:	బాలు, సుశీల
పల్లవి:	బాలు:	చీకటి వెలుగుల కౌగిటిలో చిందే కుంకుమ వన్నెలు
	సుశీల:	చీకటి వెలుగుల కౌగిటిలో చిందే కుంకుమ వన్నెలు
	బాలు:	ఏకమైన హృదయాలలో -2, పాకే బంగరు రంగులు
	సుశీల:	ఈ మెడ చుట్టూ గులాబీలు, ఈ సిగపాయల మందారాలు
	బాలు:	ఈ మెడ చుట్టూ గులాబీలు, ఈ సిగపాయల మందారాలు
	సుశీల:	ఎక్కడివీ రాగాలు, చిక్కని ఈ అరుణ రాగాలు
	బాలు:	అందీ అందని సత్యాలా, సుందర మధుర స్వప్నాలా
చరణం:	బాలు:	తేటనీటి ఈ యేటి వొడ్డునా నాటిన పువ్వుల తోట
	సుశీల:	తేటనీటి ఈ యేటి వొడ్డునా నాటిన పువ్వుల తోట
	బాలు:	నిండు కడవలా నీరు పోసి,
	సుశీల:	గుండెల వలపులు కుమ్మరించి
	బాలు:	ప్రతి తీగకు చేయూత నిచ్చి,
	సుశీల:	ప్రతి మానూ పులకింపజేసి
	బాలు:	మనమే పెంచినదీ తోట
	సుశీల:	మరియెన్నడు వాడనిదీ తోట
	ఇద్దరు:	మనమే పెంచినదీ తోట, మరియెన్నడు వాడనిదీ తోట
	సుశీల:	మరచి పోకుమా తోటమాలీ, పొరపడియైనా మతిమాలి -2
చరణం:	బాలు:	ఆరు ఋతువులు ఆమని వేళలే మన తోటలో
	సుశీల:	అన్ని రాత్రులు పున్నమి రాత్రులే మన మనసులో
	బాలు:	మల్లెలతో వసంతం,
	సుశీల:	చేమంతులతో హేమంతం
	బాలు:	మల్లెలతో వసంతం,
	సుశీల:	చేమంతులతో హేమంతం
	బాలు:	వెన్నెల పారిజాతాలు,
	సుశీల:	వానకారు సంపెంగలు
	బాలు:	వెన్నెల పారిజాతాలు,
	సుశీల:	వానకారు సంపెంగలు
	బాలు:	అన్నీ మనకూ చుట్టాలేలే, వచ్చే
	సుశీల:	పోయే అతిథులే
	ఇద్దరు:	ఈ మెడ చుట్టూ గులాబీలు, ఈ సిగపాయల మందారాలు
	బాలు:	ఎక్కడివీ రాగాలు, చిక్కని ఈ అరుణ రాగాలు
	సుశీల:	ఎక్కడివీ రాగాలు, చిక్కని ఈ అరుణ రాగాలు
చరణం:	సుశీల:	ష్ ...గలగలమనగూడదు ఆకులలో గాలి
		జలజలమనరాదు.. అలలతో కొండవాగు
		నిదరోయే కొలను నీరు -2 కదపకూడదు
		ఒరిగుండే పూలతీగ ఊపరాదు
	బాలు:	కొమ్మ పైనిట జంట పువ్వులు, గూటిలో ఇట రెండు గువ్వలు
		ఈ మెడ చుట్టూ గులాబీలు, ఈ సిగ పాయల మందారాలు
		ఎక్కడివీ రాగాలు, చిక్కనివీ అరుణ రాగాలు
	సుశీల:	మరచి పోకుమా తోటమాలీ, పొరబడియైనా మతిమాలి